বিশিষ্ট অভিনেত্ৰী মৃদুলা বৰুৱাক হৰিপদ চেতীয়া বঁটা প্ৰদান 

গোলাঘাটৰ পৰা মীনাক্ষী ফুকন
গোলাঘাটৰ ঐতিহাসিক এমেচাৰ থিয়েটাৰ চ'চাইটিৰ ১২৪ সংখ্যক প্ৰতিষ্ঠা দিৱসৰ লগত সংগতি ৰাখি আজি এমেচাৰৰ মঞ্চত ৭০ দশকৰ পৰা অসমীয়া চলচিত্ৰ জগতৰ খ্যাতনামা অভিনেত্ৰী মৃদুলা বৰুৱাক এক গাম্ভীৰ্যপূৰ্ণ পৰিবেশত এই হৰিপদ চেতীয়া সন্মানীয় বঁটাটি আগবঢ়োৱা হয়। বঁটাটি প্ৰদান কৰে অসমৰ অন্যতম নাট্যকাৰ-পৰিচালক শৈলন কুমাৰ নাথে ।

উক্ত বঁটাটিত এখন সঁফুৰা, প্ৰশস্তি-পত্ৰ আৰু নগদ ১০ হাজাৰ টকা প্ৰদান কৰা হয় । লগতে এমেচাৰ থিয়েটাৰ চ'চাইটি বঁটা আগবঢ়োৱা হয় বিশিষ্ট বোলছবি পৰিচালক দীনেশ গগৈ আৰু বিশিষ্ট সংগীত শিল্পী তথা অভিনেতা সৰ্বানন্দ বৰবৰাক । ইয়াৰ লগতে এই বৰ্ষত উদীয়মান শিল্পী সুব্ৰত কাকতিক উদীয়মান শিল্পী বঁটা আগবঢ়োৱা হয়।