খনামুখ-তেজপুৰ সংযোগী পথৰ দুৰৱস্থা

জামুগুৰিহাটৰ পৰা প্ৰণৱজ্যোতি ভট্টাচাৰ্য

শোণিতপুৰ জিলাৰ অধীনস্থ ৰঙাপাৰা আৰু তেজপুৰ সমষ্টিৰ সংযোগী খনামুখ হৈ তেজপুৰ বিশ্ববিদ্যালয় হৈ তেজপুৰৰ পৰোৱা চাৰিআলিত ওলোৱা এই পথছোৱা অতি স্পৰ্শকাতৰ হৈ আছে ৷

ৰাজ্যৰ গড়কাপ্তানী বিভাগে এই পথছোৱা মাজে-সময়ে মেৰামতি কৰে বুলি সাধাৰণ ৰাইজে কৈছে যদিও সেই পথ দীৰ্ঘস্থায়ী নহয় আৰু বাৰিষা অহাৰ লগে লগে ৰাইজে যাতায়াতত  জীয়াতু ভুগিবলগীয়া হয় ৷

ৰাইজে এই পথছোৱা অতি সোনকালে মেৰামতি কৰি যাতায়াতৰ ব্যৱস্থা সুগম কৰি তুলিবলৈ চৰকাৰৰ ওচৰত দাবী জনাইছে ৷