অৰুণাচল লংডিং শ্বাটিং বস্তিত ভয়াৱহ দুৰ্ঘটনাত ১জনৰ মৃত্যু ২জন গুৰুতৰভাৱে আহত

অৰুণাচলৰ লংডিং জিলাৰ শ্বাটিং বস্তিত ভয়াৱহ দুৰ্ঘটনা । অসমৰ চৰাইদেউ জিলাৰ সোণাৰিৰ পৰা অৰুণাচলৰ লংডিং জিলালৈ ইটা কঢ়িয়াই নিয়া এন এল-০৪ ডি-৫৫৯৬ নম্বৰৰ ট্ৰাক এখন দুৰ্ঘটনাগ্ৰস্ত হয় ।

ফলত থিতাতে নিহত হয় ট্ৰাকখনৰ চালক আচুবা সিঙ ৷ সিঙৰ ঘৰ কাছাৰ জিলাত । দুৰ্ঘটনাত গুৰুতৰভাৱে আহত ট্ৰাকখনৰ হেণ্ডিমেন তথা নাগালেণ্ডৰ মন জিলাৰ ফুকটুং বস্তিৰ বাসিন্দা নিমাউ কন‍্যাক আৰু এগৰাকী স্থানীয় অৰুণাচলী যুৱতী ।

দুয়োকে সংকটজনক অৱস্থাত অৰুণাচলৰ লংডিঙৰ পৰা অসমৰ ডিব্ৰুগড়লৈ উন্নত চিকিৎসাৰ বাবে প্ৰেৰণ কৰিছে ।

দুৰ্গম পাহাৰীয়া পথেৰে যাত্ৰা কৰাৰ সময়ত দ খাৱৈত বাগৰি পৰাৰ ফলত সংঘটিত হয় এই ভয়াৱহ দুৰ্ঘটনাটো ।