নাৰায়ণপুৰত ৪ চোৰাং সোণ সৰবৰাহকাৰীক গ্ৰেপ্তাৰ

ৰাজ্যত অব্যাহত আছে চোৰাং সোণ সৰবৰাহ । সোণ সৰবৰাহকাৰীৰ ঘাটি হিচাপে পৰিগণিত লখিমপুৰৰ বঙালমৰা । শনিবাৰে নিশা নাৰায়ণপুৰ আৰক্ষীয়ে গোপন সূত্রৰ পম খেদি বৃহৎ পৰিমাণৰ চোৰাং সোণসহ গ্ৰেপ্তাৰ কৰে ৪ সৰবৰাহকাৰীক ।

ধৃত সৰবৰাহকাৰী কেইটা শিউপজন সিং, মহম্মদ আলী, দীপক মিশ্ৰ আৰু শিৱ বাহাদুৰ ৷ এ এছ-১৬ বি-৬৫৫৪ নম্বৰৰ বলেৰ'ত বঙালমৰাৰ পৰা গুৱাহাটী অভিমুখে নি থকাৰ সময়তে নাৰায়ণপুৰ নগৰৰ মাজমজিয়াৰ পৰা সৰবৰাহকাৰীকেইটাক গ্ৰেপ্তাৰ কৰে নাৰায়ণপুৰ আৰক্ষীয়ে ৷

 ইয়াৰ অন্তৰালত এক বৃহৎ চক্ৰ জড়িত থকাৰ সন্দেহ কৰিছে আৰক্ষীয়ে । বৰ্তমান নাৰায়ণপুৰ আৰক্ষীয়ে অধিক তথ্যৰ বাবে জেৰা অব্যাহত ৰাখিছে চাৰি সৰবৰাহকাৰীক ৷