গান্ধী জয়ন্তী উপলক্ষে ৰঙিয়া পৌৰসভাৰ নেতৃত্বত স্বচ্ছতা অভিযান 

আজি ৰাতিপুৱা পৌৰসভাৰ পৌৰপতি, উপ-পৌৰপতি, পৌৰ সদস্যসকল লগতে ৰঙিয়াৰ স্বেচ্ছাসেৱী অনুষ্ঠান প্ৰভাতী কিৰণ, জনকল্যাণ সমিতিৰ সদস্যসকলে ৰঙিয়া গান্ধী মণ্ডপত মহাত্মা গান্ধীৰ প্ৰতিমূৰ্তি শ্ৰদ্ধাঞ্জলি জনাই ৰঙিয়া চহৰখন চাফা-চিকুণ কৰি পৰিস্কাৰ-পৰিচন্ন কৰি তোলে । পৌৰ সভাৰ পৌৰপতি সীমা বৈশ্যই কয় যে মহামানৱ মহাত্মা গান্ধীয়ে স্বচ্ছতাৰ দিশত গুৰুত্ব দি প্ৰতিটো অঞ্চল পৰিস্কাৰ-পৰিচন্ন কৰি তোলাত তেখেতে গুৰুত্ব দিছিল ।

সেয়েহে আজি আমি পৱিত্ৰ গান্ধী জয়ন্তীৰ দিনা মহামানৱ মহাত্মা গান্ধীক শ্ৰদ্ধাঞ্জলি জনাই তেখেতৰ আদৰ্শৰে অনুপ্ৰাণিত হোৱাৰ বাবে সকলোকে আহ্বান জনালোঁ । সমাজখন স্বচ্ছতা হৈ থাকিলেহে আমি আগবাঢ়িব পাৰিম । 

আজিৰ স্বচ্ছতা অভিযান কাৰ্য্যসূচীত উপস্থিত থাকে উপ-পৌৰপতি ফজনুৰ হ'ক, পৌৰসভাৰ সদস্য দীপেন চক্ৰৱৰ্তী, প্ৰদীপ কাকতি, শৰৎ কলিতা স্বেচ্ছাসেৱী অনুষ্ঠান প্ৰভাতি কিৰণৰ মৃদুল শৰ্মা, ধনমণি দত্ত, ঋষি লহকৰ, জনবিকাশ উন্নয়ন সমিতিৰ ইক্ৰামুল হুছেইন, খান বাবু চৌধুৰী সহ স্বেচ্ছাসেৱী অনুষ্ঠানৰ কৰ্ম-কৰ্তাসকল ।