প্ৰবল ইচ্ছাশক্তিৰে ৭৬ বছৰ বয়সত স্নাতক ডিগ্ৰী লাভ কৰিলে গুৱাহাটীৰ চন্দ্ৰপ্ৰভা আইতাই

নিউজ ডেস্ক:
প্ৰবল ইচ্ছাশক্তি আৰু একাগ্ৰতা থাকিলে বয়স কেতিয়াও যে হেঙাৰ হ’ব নোৱাৰে তাকে প্ৰমাণ কৰিলে এগৰাকী আইতাই ৷ ৭৬ বছৰ বয়সত স্নাতক ডিগ্ৰী লাভ কৰিলে গুৱাহাটীৰ চন্দ্ৰপ্ৰভা শইকীয়া আইতাই।মহানগৰীৰ ভেটাপাৰা নিৱাসী চন্দ্ৰপ্ৰভা আইতাই  কৃষ্ণকান্ত সন্দিকৈ মুক্ত বিশ্ববিদ্যালয়ত সম্পন্ন কৰিছে স্নাতক ডিগ্ৰী।বিভিন্ন ঘাত প্ৰতিঘাতৰ মাজেৰে ৫৪ শতাংশ নম্বৰ লৈ উত্তীৰ্ণ হৈছে আইতাগৰাকী।উল্লেখ্য যে,১৯৬৯ চনত  তেতিয়াৰ সময়ৰ পি ইউ পাছ কৰাৰ পিছত আধাতে শিক্ষা সমাপ্ত কৰিছিল চন্দ্ৰপ্ৰভা শইকীয়াই।স্বামীৰ আহ্বানৰ প্ৰতি সঁহাৰি জনাই পুনৰ ২০১৯ বৰ্ষত নামভৰ্তি কৰিছিল স্নাতক পাঠ্যক্ৰমত। তিনি বছৰ পাঠ্যক্ৰমৰ পিছত ২০২৩ বৰ্ষৰ ফেব্ৰুৱাৰী মাহত ঘোষণা হোৱা ফলাফলত সুখ্যাতিৰে উত্তীৰ্ণ হয় আইতাগৰাকী।