ৰঙিয়াত চাঞ্চল্য : একেদিনাই নিৰুদ্দেশ হোৱা ৩ শিশুৰ নাই সন্ধান

ৰঙিয়া মহকুমাৰ অন্তৰ্গত চিৰাখুন্দিৰ পৰা নিখোজ হৈ আছে তিনিটা শিশু ।

১৮ ছেপ্টেম্বৰৰ পৰা তিনি শিশু একেদিনাই নিখোজ হোৱাত অঞ্চলটোত তীব্ৰ চাঞ্চল্যৰ সৃষ্টি হৈছে । 

বাক্সাৰ চিৰাখুন্দিৰ পৰা তিনিদিন ধৰি নিখোজ হৈ আছে এই তিনি শিশু । 

ইয়াকে লৈ পৰিয়ালকেইটাৰ মাজত লাগিছে হাহাকাৰ । চিন্তিত হৈ পৰিছে অভিভাৱক । 

নজৰুল হক, আৰিফুল আলী আৰু চহিদুল আলী নামৰ শিশু তিনিটিক পৰিয়ালৰ লোকে বিভিন্ন ঠাইত বিচাৰিছে যদিও এই মুহূৰ্তলৈ সন্ধান উলিয়াব পৰা নাই ।

পৰিয়ালৰ লোকে কোনো দুষ্টচক্ৰৰ কবলত পৰাৰ সন্দেহ কৰিছে । 

ঘটনা সন্দৰ্ভত আৰক্ষীয়ে অনুসন্ধান চলাইছে যদিও কোনো শুংসূত্ৰ বৰ্তমানলৈ লাভ কৰিবলৈ সক্ষম হোৱা নাই ।