লাভলীনাৰ বাসগৃহত এজেপি সভাপতি লুৰীণজ্যোতি গগৈ: পিতৃক সম্বৰ্ধনা

টকিঅ’ অলিম্পিকত পদক নিশ্চিত কৰা অসম কন্যা বক্সাৰ লাভলীনা  বৰগোহাঁইৰ বাসগৃহত সোমবাৰে উপস্থিত হয় অসম জাতীয় পৰিষদৰ সভাপতি লুৰীণজ্যোতি গগৈ ৷

গোলাঘাট বৰপথাৰৰ বাৰমুখীয়া গাওঁ স্থিত বক্সাৰ গৰাকীৰ বাসভৱনত উপস্থিত হৈ লুৰীণজ্যোতি গগৈয়ে লাভলীনাৰ পিতৃ টিকেন বৰগোহাঁইক ফুলাম গামোচা আৰু আহোম জনগোষ্ঠীয় পৰম্পৰাগত পাগ পিন্ধাই সম্বৰ্ধনা জনায় ৷

প্ৰতিকূল পৰিৱেশকো নেওচি কন্যাক খেললৈ আগবঢ়াই দি বৰগোহাঁইয়ে অসমীয়া জাতিলৈ শ্ৰেষ্ঠ সেৱা আগবঢ়াইছে বুলি গগৈয়ে মন্তব্য কৰে।

উল্লেখ যোগ্য যে ইতিমধ্যে পদক নিশ্চিত কৰা লাভলীনাই অহা ৪আগষ্টত চেমিফাইনেলত অৱতীৰ্ণ হ’ব।