ওদালগুৰিৰ গৰুৱাঝাৰত ৭ ফুট দৈৰ্ঘ্যৰ অজগৰ উদ্ধাৰ

ওদালগুৰি জিলাৰ গৰুৱাঝাৰত আজি পুৱা প্ৰায় ৫.৩০মান বজাত প্ৰায় ৭ ফুট দৈৰ্ঘ্যৰ প্ৰকাণ্ড অজগৰ এডাল উদ্ধাৰ কৰা হয় ।  জানিব পৰামতে, গৰুৱাঝাৰ গাঁৱৰ ৰাজেন কুজুৰৰ বাসভৱনত পুৱা শোৱাপাটীৰ পৰা উঠি পৰিয়ালৰ লোকে অজগৰডাল প্ৰত্যক্ষ কৰে । অজগৰ ওলোৱাৰ খৱৰ বিয়পি পৰাত গৰুৱাঝাৰৰ স্থানীয় যুৱক মিঠু সৰকাৰৰ তৎপৰতাত অজগৰডাল উদ্ধাৰ কৰে । প্ৰায় ৫ কেজি ওজনৰ আৰু প্ৰায় ৭ ফুট দৈৰ্ঘ্যৰ অজগৰডাল উদ্ধাৰ কৰাৰ পিছত খালিংদুৱাৰ সংৰক্ষিত বনাঞ্চলত মুকলি কৰি দিয়ে ।