দৰঙৰ মৈজালীত তিনিদিনীয়া যোগ প্ৰশিক্ষণ শিবিৰৰ সামৰণি

দৰঙৰ ছিপাঝাৰ ৰাজহ চক্ৰৰ অন্তৰ্গত স্বেচ্ছাসেৱী অনুষ্ঠান সূৰযমুখী সংঘ, মৈজালীৰ উদ্যোগত আৰু পতঞ্জলি যোগপীঠ দৰং জিলা সমিতিৰ সহযোগত মঙলবাৰে মৈজালী প্ৰাথমিক বিদ্যালয়ত তিনিদিনীয়া যোগ প্ৰশিক্ষণ শিবিৰৰ সামৰণি পৰে ।

 পুৱা ৫ বজাত প্ৰাৰ্থনাৰে শুভাৰম্ভ হোৱা অনুষ্ঠানটোত কেইবাটাও বিশেষ প্ৰাণায়ম শিকোৱা হয় প্ৰশিক্ষাৰ্থীসকলক ।

যোগৰ দ্বাৰা যে ৰোগ নিৰাময় কৰিব পৰা যায় সেই বিষয়ে বিশদভাৱে প্ৰশিক্ষাৰ্থীসকলক প্ৰশিক্ষণ দিয়া হয় ।

প্ৰশিক্ষণৰ অন্তত গছপুলি ৰোপণেৰে যোগ শিবিৰৰ সামৰণি পৰে ।

প্ৰায় শতাধিক প্ৰশিক্ষাৰ্থী উপস্থিত থকা এই যোগ শিবিৰৰ সামৰণি অনুষ্ঠানৰ কাৰ্যসূচীত পতঞ্জলি যোগপীঠৰ দৰং জিলা সমিতিৰ সভাপতি নয়নমণি নাথ, যোগ শিক্ষয়িত্ৰী সৰুকণ বড়া, মৈজালী গাঁৱৰ স্বচ্ছ ভাৰত অভিযানৰ সৰ্বাধিনায়ক খগেন বৰুৱাকে আদি কৰি  কেইবাগৰাকীও গণ্য-মান্য ব্যক্তি উপস্থিত থাকে ।