লংকা ৰে'ল ষ্টেচনত জাল নোটসহ আটক ২

লংকা ৰে'ল ষ্টেচনত জাল নোটসহ এগৰাকী আটক মহিলা আৰু এজন পুৰুষ | মহিলীগৰাকীৰ বেগৰ পৰা জব্দ জাল নোটখিনি |

নামনিমুৱা ৰঙিয়া-ডিব্ৰুগড ৰে'লযোগে হোজাইৰ পৰা ডিমাপুৰ অভিমুখে গৈ থকা অৱস্হাত লংকা ৰে'ল ষ্টেচনত উক্ত ৰে'লখন ৰখোৱাত গোপন সূত্ৰৰ পম খেদি লংকা হোজাই জিলা আৰক্ষী বিষয়া ভনীতা নাথ, লংকা থানাৰ ভাৰপাপ্ত বিষয়া শ্যামন্ত শৰ্মা আৰু ৰে'ল আৰক্ষীৰ এটি দলে জাল নোটসহ আটক কৰে দুয়োকে |

আটকাধীন ধৃত মহিলাগৰাকীৰ নাম মিনা বৰদলৈ আৰু পুৰুষজনৰ নাম বিধান দে' |

মিনা বৰদলৈৰ ঘৰ হোজাইৰ টুমপেঙত আৰু বিধান দে'ৰ ঘৰ লংকাত বুলি জানিব পৰা গৈছে |

জাল নোটখিনিৰ মূল্য ৯৪ হাজাৰ টকা | বৰ্তমান দুই ধৃতক লংকা থানাত ৰখা হৈছে |