নাগ্ৰীজুলিত শংকৰদেৱৰ তিৰোভাৱ তিথি পালন

বাক্সা জিলাৰ নাগ্ৰীজুলিস্থিত মহাপুৰুষ শ্ৰীমন্ত শংকৰদেৱ শাখা সত্ৰত আজি মহাপুৰুষ শ্ৰীমন্ত শংকৰদেৱৰ তিৰোভাৱ তিথি পালন কৰা হয় ।

গুৰুজনাৰ তিৰোভাৱ তিথি উপলক্ষে আজি সত্ৰত পুৱা আই-মাতৃসকলে নাম-প্ৰসংগ কৰে ।

আই-মাতৃসকলৰ নাম-প্ৰসংগৰ পিছতেই সত্ৰত উপস্থিত ভক্তবৃন্দই নাম-প্ৰসংগ কৰে ।

কুমাৰীকাটাৰ খৈৰাবাৰী শংকৰদেৱ শাখা সত্ৰৰ পৰা অহা ভক্তবৃন্দৰ তত্ত্বৱধানত অনুষ্ঠিত হৰি নাম-কীৰ্তনেৰে মুখৰিত হৈ পৰে নাগ্ৰীজুলিৰ আকাশ-বতাহ ।

ভক্তি ৰসত বুৰ যায় সমগ্ৰ নাগ্ৰীজুলি অঞ্চল ।

দিনৰ ১ বজালৈ চলে এই হৰি নাম-কীৰ্তন । নাম-প্ৰসংগৰ অন্তত নির্মালী আৰু প্ৰসাদ বিতৰণ কৰা হয় ৷