মৰিগাঁও জিলাৰ নতুন উপায়ুক্ত হিচাপে লীনা দাসৰ যোগদান

*বিদায়ী উপায়ুক্ত ঋতুৰাজ বৰাক বিভিন্ন দল-সংগঠন,ব্যক্তিৰ বিপুল সম্বৰ্দ্ধনা*

মৰিগাঁৱৰ পৰা জিতুুুমণি নাথ:

মৰিগাঁও জিলাৰ উপায়ুক্ত ঋতুৰাজ বৰাক পদোন্নতিৰে বদলি কৰাৰ পিছত বুুধবাৰে জিলাখনৰ নতুন উপায়ুক্ত হিচাপে দায়িত্ব গ্ৰহণ কৰে অসম চৰকাৰৰ  সীমান্ত সুৰক্ষা আৰু উন্নয়ন বিভাগৰ সঞ্চালক পদত থকা এ চি এছ বিষয়া লীনা দাসে।উল্লেখ্য যে মৰিগাঁও জিলা উপায়ুক্ত ঋতুৰাজ বৰাই পদোন্নতি লাভ কৰাৰ পিছত বৃৃহস্পতিবাৰে ৰাজ্য চৰকাৰৰ উদ্যোগ আৰু বাণিজ্য বিভাগৰ সচিব হিচাপে কৰ্মত যোগদান কৰিব।এই উপলক্ষে বুধবাৰে মৰিগাঁও জিলা উপায়ুক্তৰ সভাকক্ষত নৱনিযুক্ত উপায়ুক্ত লীনা দাসৰ উপস্থিতিত জিলা উপায়ুক্তৰ কাৰ্যালয়ৰ প্ৰতিটো বিভাগৰ বিষয়া-কৰ্মচাৰীৰ উপৰি জিলাখনৰ বিভিন্ন দল-সংগঠন-ব্যক্তিয়ে বিদায়ী উপায়ুক্ত ঋতুৰাজ বৰাক বিশেষভাৱে সম্বৰ্দ্ধনা জ্ঞাপন কৰে।ইফালে, নৱনিযুক্ত উপায়ুক্ত লীনা দাসে জিলাখনৰ সৰ্বাঙ্গীন উন্নয়ন আৰু বিকাশৰ  স্বাৰ্থত ৰাইজৰ ৰ সহায়-সহযোগিতা কামনা কৰে।