হোজাইত ভোজপুৰী যুৱ-ছাত্ৰ পৰিষদৰ উত্তাল প্ৰতিবাদ

হোজোই জিলাৰ শংকৰদেৱ নগৰস্থিত উপায়ুক্ত কাৰ্যালয়ৰ সন্মুখত সদৌ অসম ভোজপুৰী যুৱ-ছাত্ৰ পৰিষদৰ উত্তাল প্ৰতিবাদ ৷ কাকীৰ ডিমৰু পথাৰ গাঁৱৰ কৃষক তপেশ্বৰ চৌহান আৰু ৰামানন্দ চৌহানৰ হত্যাকাণ্ডৰ ন্যায় বিচাৰি এই প্ৰতিবাদ সাব্যস্ত কৰে সংগঠনটোৱে ।

প্ৰতিবাদত যুৱ-পৰিষদৰ লগতে দুই শতাধিক পুৰুষ মহিলায়ো অংশগ্ৰহণ কৰে | উল্লেখ্য যে হোজাই জিলাৰ লংকাৰ কাকী ডিমৰু পথাৰ অঞ্চলত দুৰ্বৃত্তই বিগত দিনত দুজনকৈ দৰিদ্ৰ কৃষকক নিৰ্মমভাৱে হত্যা কৰিছিল ৷

কিন্তু আজি পৰ্যন্ত হত্যাকাৰীক আৰক্ষী-প্ৰশাসনে আটক কৰিব নোৱাৰাত সদৌ অসম ভোজপুৰী যুৱ-পৰিষদে শংকৰদেৱ নগৰস্হিত উপায়ুক্ত কাৰ্যালয়ৰ সম্মুখত প্ৰতিবাদ সাব্যস্ত কৰে | পিছত প্ৰতিবাদকাৰীসকলে ঘটনাৰ উচিত তদন্তৰ দাবীত উপায়ুক্তলৈ এখন স্মাৰক-পত্ৰও প্ৰেৰণ কৰে |