আমছুৰ ধিং আঞ্চলিক সমিতি গঠন

সদৌ অসম সংখ্যালঘু ছাত্ৰ ইউনিয়ন (আমছু)ৰ নগাঁও জিলাৰ ধিং আঞ্চলিক সমিতিখন আজি গঠন কৰা হয় । নগাঁও জিলা আমছুৰ বিষয়ববীয়াসকলৰ উপস্থিতিত মোস্তাফিজুৰ ৰহমানক সভাপতি, মুকছিদুল ইছলাম আৰু গুলজাৰ হুছেইনক সাধাৰণ সম্পাদক হিচাপে লৈ ৩১জনীয়া সমিতিখন গঠন কৰা হয় ।

নৱগঠিত সমিতিখনে অঞ্চলটোৰ পৰা বিভিন্ন সামাজিক কু-সংস্কাৰ, অন্ধবিশ্বাসৰ লগতে সংখ্যালঘু সমাজত প্ৰচলিত বাল্যবিবাহ বন্ধ কৰাৰ লগতে অবৈধভাৱে চলা জুৱা, মদৰ বেহা আঁতৰাই কেনেকৈ বিজ্ঞানসন্মাত বাস্তৱ সমাজ গঠন কৰিব পাৰি তাৰ ওপৰত গুৰুত্ব আৰোপ কৰিব বুলি আশা প্ৰকাশ কৰে ।