তামুলপুৰ-ভূটান পথত পথ দুৰ্ঘটনাত আহত মহিলা 

বাক্সা জিলাৰ তামুলপুৰ মহকুমাৰ উলুবাৰী পাৰ্বতী চ'কত আজি সন্ধিয়া প্ৰায় ৬.৩০ বজাত এক পথ দুৰ্ঘটনা সংঘটিত হয় । এখন বাইকত এজন যুৱকৰ লগত বিনু শৰণীয়া (২৮) নামৰ মহিলা এগৰাকীয়ে কুমাৰীকাটাৰ পৰা সাপকাটা গাঁৱৰ নিজৰ বাসগৃহলৈ আহি থাকোঁতে ৰঙিয়া-তামুলপুৰ-ভূটান পথৰ উলুবাৰীৰ পাৰ্বতী চ'কত বিনু নামৰ মহিলাগৰাকী বাইকখনৰ পৰা পৰি যায় আৰু গুৰুতৰভাৱে আহত হয় ।

সেই সময়ত কুমাৰীকাটাৰ পৰা তামুলপুৰ অভিমুখে আহি থকা তামুলপুৰ প্ৰেছ ক্লাবৰ দীপক পাঠক, তীৰ্থৰঞ্জন মহন্ত, ৰজনী বৰ্মন, আৰিফ আহমেদ আৰু অভিজিৎ তালুকদাৰৰ সাংবাদিকৰ দল এটাই আহত মহিলাগৰাকীক উদ্ধাৰ কৰে আৰু তৎপৰতাৰে এখন গাড়ীৰে তামুলপুৰ প্ৰাথমিক স্বাস্থ্য কেন্দ্ৰলৈ লৈ আনে ।

তামুলপুৰত মহিলাগৰাকীক প্ৰাথমিক চিকিৎসা প্ৰদান কৰাৰ পিছত মহিলাগৰাকীক উন্নত চিকিৎসাৰ বাবে অতি সংকজনক অৱস্থাত গুৱাহাটী মেডিকেল কলেজ হাস্পতাললৈ প্ৰেৰণ কৰা হয় ।