ৰঙিয়াত দুৰ্বৃত্তই কাঢ়িলে ২ লাখ টকা

অপৰাধীৰ ৰম্যভূমিত পৰিণত হৈছে ৰঙিয়া চহৰ । সঘনাই বেংকৰ পৰা টকা লৈ ওলোৱা গ্ৰাহকৰ ওপৰত চকু অপৰাধীৰ । আজি ৰঙিয়া হাইৱে' চ'কত উমেশ দাস নামৰ ব্যক্তিগৰাকীৰ পৰা দুৰ্বৃত্তই কাঢ়ি নিলে ২ লাখ টকা ।

নলবাৰী জিলাৰ বৰাজোল অঞ্চলৰ পৰা অহা উমেশ দাস নামৰ ৬০ ঊৰ্ধ্বৰ ব্যক্তিগৰাকীয়ে ৰঙিয়া ষ্টেট বেংকৰ পৰা ২ লাখ টকা উলিয়াই লৈ ঘৰলৈ গৈ থকা সময়ত ৰঙিয়া হাইৱে' চ'কত এখন ক'লা পালছাৰ বাইকত অহা দুজন দুৰ্বৃত্তই ডেগাৰেৰে আক্ৰমণ কৰি ধনৰ বেগটো লৈ উধাও হয় ।

পিছত পথচাৰীয়ে ব্যক্তিগৰাকীক চিকিৎসাৰ ব্যৱস্থা কৰাৰ লগতে ৰঙিয়া আৰক্ষীক খবৰ দিয়ে ৷ পিছত আৰক্ষীয়ে ব্যক্তিগৰাকীক ৰঙিয়া থানালৈ লৈ যায় ।