কলকাতাত পথ দুৰ্ঘটনাত বৰক্ষেত্ৰীৰ চাৰি যুৱকৰ মৃত্যু

আজি কলকাতাত সংঘটিত হোৱা এক পথ দুৰ্ঘটনাত অসমৰ চাৰিগৰাকী যুৱকৰ মৃত্যু হয় ।   নলবাৰী জিলাৰ বৰক্ষেত্ৰী বিধান সভা সমষ্টিৰ অন্তৰ্গত মুকালমুৱাৰ পৰা কালি কলকাতা ভ্ৰমণলৈ গৈছিল পাঁচজনীয়া এটি যুৱকৰ দল । আজি পুৱা অসম ভৱনৰ পৰা দীঘা অভিমুখে গৈছিল যুৱক কেইজন । এখন ইন’ভা গাড়ী ভাড়া কৰি গৈছিল যুৱক কেইজন । দুৰ্ঘটনাটোত মৃত্যু হোৱা যুৱক কেইজন হ'ল মজাফৰ আলী, ৰাহুল আলী, চান্দমহম্মদ আৰু তাৰিকুল । যুৱকৰ দলটো কলকাতাৰ অসম ভৱনৰ ৪১২ নম্বৰ কোঠাত আছিল । দুৰ্ঘটনাৰ খবৰ পোৱা মাত্ৰকে বৰক্ষেত্ৰী বিধান সভা সমষ্টিৰ বিধায়ক নাৰায়ণ ডেকাই কলিকতালৈ ৰাওনা হৈছিল । উক্ত দুৰ্ঘটনা সংঘটিত হোৱাত মুকালমুৱাৰ লগতে নলবাৰী জিলাতে শোকৰ ছাঁ পৰিছে ।