ৰঙিয়াত বাজপেয়ীৰ দশম পিণ্ড পালন হেমেন বৈশ্যৰ

ভাৰতীয় জনতা পাৰ্টীৰ কৰ্মী তথা ৰঙিয়াৰ সুন্ধিয়া গাঁৱৰ হেমেন বৈশ্যই আজি ভাৰতৰ প্ৰাক্তন প্ৰধান মন্ত্ৰী অটল বিহাৰী বাজপেয়ীৰ দশম পিণ্ড হিন্দু ধৰ্মৰ ৰীতি-নীতিৰে পালন কৰে ।

তেখেতে কয় যে অটল বিহাৰী বাজপেয়ী তেখেতৰ নিজৰ পিতৃ নহ'লেও দলৰ পিতৃ আছিল । সেইবাবে তেওঁ তেখেতৰ আত্মাৰ সদ্‌গতি কামনা কৰি আজি ধৰ্মীয় ৰীতি-নীতিৰে দশম পিণ্ড পালন কৰিছে ।

আজি তেখেতৰ দশম পিণ্ডস্থলীত বিজেপি দলৰ কৰ্মী গোপাল ভৰালী, হিতেশ্বৰ বৈশ্য, শিৱ বৈশ্যসহ অঞ্চলটোৰ ভালেসংখ্যক ব্যক্তি উপস্থিত থাকে ।