আজিৰে পৰা গোলাঘাটতো উপলব্ধ হ'ল আইচিইউ

গোলাঘাটৰ পৰা মীনাক্ষি ফুকন:

গোলাঘাটবাসীৰ বহুদিনীয়া দাবীক সঁহাৰি জনাই বুধবাৰৰ পৰা গোলাঘাট চহৰৰ কুশল কোঁৱৰ অসামৰিক চিকিৎসালত অন্তৰ্ভুক্ত হ'ল ইনটেনচিভ কেয়াৰ ইউনিট । গোলাঘাটবাসীৰ বহুদিনীয়া দাবী এই আইচিইউটোৰ শুভ উদ্বোধন কৰে অসম চৰকাৰৰ কৃষি আৰু পশুপালন মন্ত্ৰী অতুল বৰাই।লগতে,বিশিষ্ট ব্যক্তি হিচাপে উপস্থিত থাকে গোলাঘাট সমষ্টিৰ বিধায়ক অজন্তা নেওগ।সততে জৰুৰীকালীন সময়ত ৰোগীসকলক চিকিৎসাৰ বাবে অন্য ঠাইলৈ প্ৰেৰণ কৰা তথা আইচিইউৰ অভাৱত বহু ৰোগীৰ মৃত্যু হোৱাক কেন্দ্ৰ কৰি বিভিন্ন সময়ত চিকিৎসালয়খনত অস্বস্তিকৰ পৰিৱেশৰ সৃষ্টি হৈছিল।

গোলাঘাটবাসীৰ অত্যন্ত জৰুৰী এই আইচিইউৰ চহৰখনত উপলব্ধ হোৱাটোৱে ৰোগীসকলক যথেষ্ট সকাহ দিয়াটো এতিয়া নিশ্চিত হৈছে।গোলাঘাটবাসী সচেতন ৰাইজে অসম চৰকাৰৰ এনে পদক্ষেপৰ একেষাৰে শলাগ লৈছে।