মৰিগাওঁ জিলা বিদ্যালয়সমূহৰ উপ -পৰিদৰ্শকৰ দায়িত্ব গ্ৰহণ জিলা প্ৰাথমিক শিক্ষা বিষয়া কমল জ্যোতি গগৈৰ

মৰিগাঁৱৰ পৰা জিতুমণি নাথ:

মৰিগাঁও জিলাৰে বিদ্যালয়সমূহৰ উপ-পৰিদৰ্শকৰ দায়িত্ব সোমবাৰে গ্ৰহণ কৰে মৰিগাঁও জিলা প্ৰাথমিক শিক্ষা বিষয়া কমল জ্যোতি গগৈয়ে।উল্লেখ্য যে মৰিগাঁও জিলাৰ বিদ্যালয়সমূহৰ উপ-পৰিদৰ্শকৰ পদটোত দীৰ্ঘদিন ধৰি অসম চৰকাৰৰ শিক্ষা বিভাগে কোনো বিষয়াক স্থায়ী নিযুক্তি প্ৰদান নকৰাত ভাৰপ্ৰাপ্ত উপ-পৰিদৰ্শক হিচাপে কাৰ্যনিৰ্বাহ কৰি আছিল মৰিগাওঁ জিলা বিদ্যালয়সমূহৰ পৰিদৰ্শক ড০ তিলক চন্দ্ৰ শইকীয়াই।মৰিগাওঁ জিলা প্ৰাথমিক শিক্ষা বিষয়া কমল জ্যোতি গগৈয়ে জিলা প্ৰাথমিক শিক্ষা বিষয়াৰ দায়িত্ব গ্ৰহণ কৰি জিলাখনৰ শিক্ষা বিভাগত দেখুওৱা দক্ষতাৰ বাবে অসম চৰকাৰৰ শিক্ষা বিভাগে যোৱা ১১ ফেব্ৰুৱাৰীত প্ৰকাশ কৰা AEE210/2017/126 নং নিৰ্দেশনা অনুসৰি জিলাখনৰ বিদ্যালয়সমূহৰ ভাৰপ্ৰাপ্ত উপ-পৰিদৰ্শক বিষয়া হিচাপে নিযুক্তি প্ৰদান কৰাত সোমবাৰে আবেলি শিক্ষা বিষয়া কমল জ্যোতি গগৈয়ে বিদ্যালয়সমূহৰ উপ-পৰিদৰ্শক কাৰ্যালয়ৰ সমূহ কৰ্মচাৰীৰ উপস্থিতিত নিজৰ দায়িত্ব গ্ৰহণ কৰে।বিদ্যালয়সমূহৰ উপ -পৰিদৰ্শকৰ দায়িত্ব গ্ৰহণ কৰি শিক্ষা বিষয়াগৰাকীয়ে জিলা কাৰ্যালয়ৰ সকলো বিষয়া-কৰ্মচাৰীক নিজ নিজ দায়িত্ব সঠিকভাৱে পালন কৰি শিক্ষা বিভাগটোৰ কাম-কাজত সহযোগিতা আগবঢ়াবলৈ আহ্বান জনায়।