ৰঙিয়াত অচিন্ত্য ভট্টাচাৰ্যৰ মৃত্যুবাৰ্ষিকী পালন

অচিন্ত্য ভট্টাচাৰ্যৰ ২৫সংখ্যক মৃত্যুবাৰ্ষিকী উপলক্ষে আজি চি পি আই (এম)ৰ ৰঙিয়া কাৰ্যালয়ত অচিন্ত্য ভট্টাচাৰ্যৰ জীৱন দৰ্শন আৰু বৰ্তমান সম্পৰ্কত এখন আলোচনা-চক্ৰ অনুষ্ঠিত হয় ।

বীৰেন্দ্ৰ নাথ শৰ্মাৰ সভাপতিত্বত অনুষ্ঠিত আলোচনা-চক্ৰত সভাৰ উদ্দেশ্য ব্যাখ্যা কৰে বিবেকানন্দ অধিকাৰীয়ে ।

অচিন্ত্য ভট্টাচাৰ্যৰ জীৱন-দৰ্শন সম্পৰ্কত চি পি আই (এম)ৰ অসম ৰাজ্যিক মণ্ডলীৰ সদস্য ইচফাকুৰ ৰহমানে বহলাই কয় ।

উল্লেখ্য যে অচিন্ত্য ভট্টাচাৰ্য চি পি আই (এম)ৰ অসম ৰাজ্যিক সমিতিৰ প্ৰতিষ্ঠাপক সম্পাদক আছিল ৷ লগতে এগৰাকী স্বাধীনতা সংগ্ৰামী, জাতি আৰু ভূমি সমস্যাৰ তাত্বিক পণ্ডিত আছিল বুলিও ৰহমানে তেখেতৰ বক্তব্যত প্ৰকাশ কৰে ।

আলোচনা-চক্ৰত বাসুদেৱ কলিতা, ৰঙিয়া পৌৰসভাৰ সদস্য শৰৎ কলিতা, ললিত কলিতাসহ ভালেসংখ্যক নেতা-কৰ্মী উপস্থিত থাকে ।