সৰুপেটাৰ মাইক্ৰোটেক কম্পিউটাৰ প্ৰশিক্ষণ কেন্দ্ৰৰ নৱম প্ৰতিষ্ঠা দিৱস উদযাপন 

বজালীৰ পৰা বুবু কলিতাৰ প্রতিবেদন :

সৰুপেটাৰ আগশাৰীৰ কম্পিউটাৰ প্ৰশিক্ষণ কেন্দ্ৰ মাইক্ৰোটেক কম্পিউটাৰ প্ৰশিক্ষণ কেন্দ্ৰৰ নৱমতম প্ৰতিষ্ঠা দিৱস বুধবাৰে দিনযোৰা কাৰ্যসূচীৰে উদযাপন কৰা হয় । এই উপলক্ষে অনুষ্ঠিত এক সভাত চলচ্চিত্ৰ তথা মঞ্চ অভিনেতা দিব্যজ্যোতি দাস, আৰ্যভট্ট একাডেমিৰ উপাধ্যক্ষ কিশোৰ চৌধুৰী ,বি.এইচ.বি মহাবিদ্যালয়ৰ সহকাৰী অধ্যাপিকা ড: নমিতা দাস গুৰুঙে উপস্থিত থাকি বক্তৃতা প্রদান কৰে |সভাখনত কম্পিউটাৰ প্ৰশিক্ষণ কেন্দ্ৰটোৰ পৰিচালন সঞ্চালক ফৰিদৰ ৰহমান, সমন্বয়ক আব্দুল মুতালিবে অভ্যাগত সকলক আদৰণী জনোৱাৰ লগতে তিনিগৰাকী স্থানীয় সাংবাদিক ক্রমে ৰাজীৱ তালুকদাৰ, কাশ্যপ চৌধুৰী আৰু ভূষণ তালুকদাৰক সম্বৰ্ধনা জনায় ।

প্রতিষ্ঠা দিৱস উপলক্ষে বন্তি প্রজ্বলন, মুকলি চ'ৰা আদি কাৰ্যসূচীও ৰূপায়ণ কৰা হয় | উল্লেখ্য যে উক্ত কম্পিউটাৰ প্ৰশিক্ষণ কেন্দ্ৰটোৱে ভৱানীপুৰ সমষ্টিৰ বহুতো ছাত্ৰ-ছাত্ৰীক কম্পিউটাৰ শিক্ষা প্ৰদান কৰাৰ লগতে আনন্দবজাৰ, কৰ্দৈগুৰী ,সাউদৰভিঠা , চাউলাবড়ী , ভাৰেগাঁও , কুৰোবাহা ,কঁহৰা আদি ঠাইৰ বহুতো ছাত্ৰ-ছাত্ৰীক কম্পিউটাৰ শিক্ষাৰ জৰিয়তে শিক্ষিত কৰি  তুলিছে ।