গুৱাহাটী ৰে'ল ষ্টেচনত ১৩ খনকৈ চুৰি বুলেট মটৰ বাইক উদ্ধাৰ

গুৱাহাটী ৰে'ল ষ্টেচনত বুধবাৰে জব্দ কৰা হয় ১৩ খন চুৰি বুলেট বাইক। দিল্লীৰ পৰা ইম্ফল আৰু ম্যানমাৰলৈ এই চুৰি কৰা বুলেট বাইকসমূহক লৈ যোৱাৰ এই  কথা আছিল।কিন্তু পল্টন বজাৰ ৰে'ল ষ্টেচনৰ পাৰ্চেল গুদামত ৰে'লৱে আৰক্ষীয়ে বুধবাৰে পুৱা প্ৰায় ১০ মান বজাত অভিযান চলাই জব্দ কৰে বুলেট বাইককেইখন।বাইককেইখন দিল্লী,উত্তৰ প্ৰদেশ আৰু মণিপুৰৰ পঞ্জীয়নকৃত ।  

উল্লেখ্য যে যোৱা ২৯ ছেপ্টেম্বৰ দিনা তিনিজন ব্যক্তি ক্ৰমে মহম্মদ ৱাহিদুৰ ৰহমান(৩৫),ৱাৰিস খান(২৩) আৰু মমতাজুৰ ৰহমানক(২২)ৰে'লৱে আৰক্ষীয়ে গ্ৰেপ্তাৰ কৰিছিলও বুধবাৰে পুৱাহে এই মটৰ বাইকসমূহ জব্দ কৰিবলৈ সক্ষম হয়।গ্ৰেপ্তাৰ কৰা লোককেইজনৰ ঘৰ নতুন দিল্লীত বুলি জানিব পৰা গৈছে।