লাহৰীঘাটত পানীত পৰি  স্কুলীয়া ছাত্ৰৰ মৃত্যু : অঞ্চলজুৰি শোকৰ ছাঁ 

লাহৰীঘাটৰ পৰা শ্বামিমুল ইছলামৰ প্রতিবেদন :

মৰিগাঁও জিলাৰ লাহৰীঘাট থানাৰ অন্তৰ্গত দক্ষিণ  অমৰাগুৰি (শিঙাহেৰুৱা )গাৱৰ মহিবুৰ ৰহমানৰ পূত্ৰ নাছিৰ  আহমেদ নামৰ এঘাৰ বছৰীয়া কিশোৰ এজনৰ পানীত পৰি মৃত্যু হোৱা ঘটনাই সমগ্র অঞ্চলটোতে শোকৰ ছাঁ পৰিছে । পৰিয়ালৰ লোকে জানিব দিয়া মতে  শিশুটোৱে শিঙাহেৰুৱা গাৱৰ পৰা ভাটবঢ়ি গাৱলৈ গৈ থকা অৱস্থাত পানীৰ সোঁতত পৰি  মৃত্যু হয় । পৰৱৰ্তী সময়ত লাহৰীঘাট আৰক্ষী ঘটনাস্হলীত  উপস্থিত হৈ মৃতদেহটো  মৰণোত্তৰ পৰীক্ষাৰ বাবে মৰিগাঁও জিলা অসামৰিক চিকিৎসা লয়লৈ প্ৰেৰণ কৰে। উল্লেখ্য যে মৃত  শিশু গৰাকী জলকীয়াবঢ়ি  এম ই স্কুল ৰ ছাত্ৰ বুলি জানিব পৰা গৈছে।