গোলাঘাটত বৰ্তমানেও অব্যাহত সুৰাবিৰোধী অভিযান

গোলাঘাটৰ পৰা মীনাক্ষী ফুকন

গোলাঘাটত আৰম্ভ হোৱা সুৰা ট্ৰেজেডীৰ ঘটনাত অভিযুক্তৰ সন্ধানত এতিয়াও অব্যাহত আছে সুৰাবিৰোধী অভিযান। বিষাক্ত সুৰা প্ৰস্তুত কৰা অভিযুক্তসকল এজন এজনকৈ আটক হোৱাৰ পাছত চুলাইৰ দৰে বিষাক্ত সুৰা ব্যৱসায়ীক সম্পূৰ্ণৰূপে উৎখাত কৰাৰ উদ্দেশ্যে শুকুৰবাৰে নিশা বেতিয়নী অঞ্চলৰ নৰাগাঁও, কাকতি গাঁও আদি অঞ্চলতো স্থানীয় ৰাইজে আবকাৰী আৰু আৰক্ষীক পূৰ্ণ সহযোগ কৰি চুলাইৰ বিৰুদ্ধে চলায় অভিযান। অভিযানত পোনা দাস আৰু বীণা ভূঞা নামৰ এগৰাকী মহিলাক আটক কৰিবলৈ সক্ষম হয়। ইতিমধ্যে আটকাধীন লোক কেইজনৰ ঘৰৰ পৰা চুলাই প্ৰস্তুত কৰা সামগ্ৰীসহ চুলাই মদ আৰু স্পিৰিতো জব্দ কৰে অভিযানকাৰী দলটোৱে।