নলবাৰীত পৃথক পৃথক দুৰ্ঘটনা শিশু সহ ২৬ গৰাকী আহত

নলবাৰীৰ পৰা হেমন্ত কলিতা
আজি বিয়লি নলবাৰীত সংঘটিত হ'ল তিনিটাকৈ পথ দুৰ্ঘটনা। নলবাৰীৰ জাজিয়াবাৰীত এখন দ্ৰুত বেগী ট্ৰেভেলাৰে মহতীয়ালে চাইকেল আৰোহীক। এই দুৰ্ঘটনাত দুজনকৈ চাইকেল আৰোহী গুৰুতৰভাৱে আহত হয়। একে সময়তে নলবাৰীৰ সন্ধাত সংঘটিত হয় আন এটা দুৰ্ঘটনা। গুৱাহাটীৰ পৰা নলবাৰীলৈ বিবাহ অনুষ্ঠানলৈ অহা এছ০১ ৮চি ৫১৭৭ নম্বৰৰ মেজিকত খুন্দা মাৰে দ্ৰুত বেগী বাছে ।

বাছখনৰ নম্বৰ হ'ল এছ১৪চি ৫৫০৭। বাছৰ খুন্দাত মেজিক খাৱৈত সোমাই পৰে। এই দুৰ্ঘটনাত শিশুসহ ১৬জন লোক গুৰুতৰভাৱে আঘাতপ্ৰাপ্ত হয়। সমান্তৰালকৈ নলবাৰীৰ পাইকাৰকুছিত এখন ট্ৰাকে খুন্দা মাৰে যাত্ৰীবাহী টেম্পোত। টেম্পোৰ নম্বৰ হ’ল এএছ ১৪চি ২৭৬৩। ট্ৰাকৰ খুন্দাত টেম্পোখন খাৱৈত বাগৰি পৰাত টেম্পো আৰোহী সাতগৰাকী লোক গুৰুতৰভাৱে আঘাতপ্ৰাপ্ত হয়। আঘাতপ্ৰাপ্ত আটাইকেইজনক নলবাৰী ছহিদ মুকুন্দ কাকতি অসামৰিক চিকিৎসালয়ত ভৰ্তি কৰা হৈছে।