গ'ল্ড ষ্টাৰ মিলেনিয়াম এৱাৰ্ড প্ৰাপক সহজানন্দ ওজাক সম্বৰ্ধনা

নগাঁৱৰ বিশিষ্ট সমাজকমী, আনন্দৰাম ঢেকিয়াল ফুকন মহাবিদ্যালয়ৰ প্ৰাত্তন অধ্যক্ষ, ক্ৰীড়া সংগঠক, সাংবাদিক সহজানন্দ ওজাক কলেজ অব্‌ এডুকেচন নগাঁৱে সম্বৰ্ধনা জনায়। থাইলেণ্ডত অনুষ্ঠিত ইণ্ডো-থাই বন্ধুত্ব শীৰ্ষক এক আন্তৰ্জাতিক সন্মিলনত সহজানন্দ ওজাক ইন্টাৰনেচনেল গ'ল্ড ষ্টাৰ মিলেনিয়াম এৱাৰ্ড প্ৰদান কৰা হয়।

আজি শিক্ষানুষ্ঠানখনত আয়োজিত এক অনুষ্ঠানত এই বটা লাভ কৰাৰ বাবে ওজাক সম্বৰ্ধনা জনোৱা হয়। এই উপলক্ষে অনুষ্ঠিত অনুষ্ঠানত কলেজখনৰ অধ্যক্ষা ড: মানশিখা বৰুৱা, কলেজ ন্যাসৰ সম্পাদক বীৰেন্দ্ৰ কুমাৰ বৰা, পৰিচালনা সমিতিৰ সদস্য কুঞ্জমোহন বৰা, বীৰেন দাস, মামণি শইকীয়া, ডঃ স্বপ্না নেওগ বৰাসহ অধ্যাপক-অধ্যাপিকা, কৰ্মচাৰী, প্ৰশিক্ষাৰ্থীসকল উপস্থিত থাকে| উল্লেখ্য যে ওজা শিক্ষানুষ্ঠানখনৰ পৰিচালনা সমিতিৰ সভাপতি।