মুখ্য মন্ত্ৰীৰ দ্বাৰা সম্বৰ্ধিত হোজাইৰ এনচিচি সদস্য

ডবকাৰ পৰা জমিৰ উদ্দিন তালুকদাৰ

চলিত বৰ্ষৰ গণৰাজ্য দিৱসৰ দিনা নতুন দিল্লীত প্ৰধান মন্ত্ৰীৰ পেৰেডত এনচিচি দলৰ সদস্য হিচাপে অংশ লোৱা অসমৰ এনচিচি সদস্যৰ এটি দলক সম্বৰ্ধনা জনায় অসমৰ মুখ্য মন্ত্ৰী সৰ্বানন্দ সোণোৱালে৷

মুখ্যমন্ত্ৰী সোণোৱালে গুৱাহাটীৰ সৰুসজাই ষ্টেডিয়ামত অনুষ্ঠিত এখন সভাৰ জৰিয়তে অসমৰ এনচিচি দলক সম্বৰ্ধনা জনায়৷

ইয়াতে উল্লেখ কৰা প্ৰয়োজন যে দিল্লীত গণৰাজ্য দিৱসৰ পেৰেডত অংশ লোৱা অসমৰ এনচিচি দলৰ মাজত আছিল হোজাইৰ সু-ব্যৱসায়ী তথা ডবকাৰ ব্যক্তিগত খণ্ডৰ বিদ্যালয় এনআৰআই পাব্লিক স্কুলৰ স্বত্ত্বাধিকাৰী ইমদাদ আলী আৰু দিলৱাৰা বেগম চৌধুৰীৰ পুত্ৰ আব্দুল্লাহ আশ্ৰাফ৷

আব্দুল্লাৰ এই কৃতিত্বই স্বাভাৱিকতে উৎফুল্লিত কৰি তুলিছে ডবকাবাসীক৷ ইয়াতে উল্লেখ কৰা প্ৰয়োজন যে আব্দুল্লাই তেজপুৰৰ বালিপৰাৰ অসম ভেলী স্কুলত দ্বাদশ শ্ৰেণীত অধ্যয়ন কৰি আছে৷