আলফা নেতা মৃণাল হাজৰিকাক ১৪ দিনৰ বাবে ন্যায়িক জিম্মালৈ প্ৰেৰণ । বেংগল টাইগা ফ'ৰ্চৰ গোচৰৰ ভিত্তিত আজি পাণবজাৰ আৰক্ষীয়ে সোধা-পোছাৰ বাবে তলব কৰিছিল আলফা নেতাগৰাকীক ।
পাণবজাৰ আৰক্ষী থানাত হাজিৰ হোৱাৰ পাছত দীর্ঘ সময় ধৰি জেৰা কৰা হৈছিল আলফা নেতাগৰাকীক । জেৰাৰ অন্তত পাণবজাৰ আৰক্ষীয়ে গ্ৰেপ্তাৰ কৰে আলফা নেতাগৰাকীক ।
উল্লেখ্য যে আজি কিছুদিন পূৰ্বে মহানগৰীত আলফা নেতাগৰাকীয়ে বঙালীবিৰোধী প্ৰৰোচনামূলক মন্তব্য কৰাৰ অভিযোগ তুলি কোকোৰাঝাৰৰ গোঁসাইগাঁও খানাত বেংগলী টাইগাৰ ফ'ৰ্চ নামৰ এটা সংগঠনে ৰুজু কৰিছিল গোচৰ ।
উল্লেখ্য যে সেই মন্তব্য যিহেতু মহানগৰৰ গীতানগৰ খানাৰ অধীনৰ অঞ্চলত কৰিছিল সেয়েহে গোঁসাইগাঁও থানাই গোচৰটো গীতানগৰ থানালৈ হস্তান্তৰ কৰে । পুনৰ গীতানগৰ থানাই সেই গোচৰৰ ভিত্তিত ২৪৩/2018 নম্বৰত গোচৰ ৰুজু কৰিছিল আৰু সেই গোচৰৰ ভিত্তিতেই আজি কামৰূপ জিলা ন্যায়িক দণ্ডাধীশে আলফা নেতাগৰাকীক গুৱাহাটী কেন্দ্ৰীয় কাৰাগাৰলৈ ১৪ দিনৰ বাবে প্ৰেৰণ কৰিছে ।
ইফালে আকৌ শিৱসাগৰত গ্ৰেপ্তাৰ কৰা আন এজন আলফা নেতা জিতেন দত্তক জেৰাৰ বাবে গুৱাহাটীলৈ অনা হৈছে বুলি জানিব পৰা গৈছে । ইফালে এই দুজন আলফা নেতাক গ্ৰেপ্তাৰ সন্দৰ্ভত প্ৰতিক্ৰিয়া প্ৰকাশ কৰি অনুপ চেতিয়াই আলোচনা প্ৰক্ৰিয়া ব্যাহত হ'ব বুলি বিস্ফোৰক অভিযোগ উত্থাপন কৰিছে ।
- Log in to post comments
- 20 views
