ৰাজ্যৰ শিক্ষা বিভাগত মুঠ ৪০,৮৪৮টা পদ খালী হৈ আছে । নিম্ন প্ৰাথমিক বিদ্যালয়ত ৫,৩৯৩টা আৰু উচ্চ প্ৰাথমিক বিদ্যালয়ত ৪,১২০টা শিক্ষক পদ খালী হৈ আছে । প্ৰাদেশীকৃত উচ্চ ইংৰাজী বিদ্যালয়ত ৮৭৮টা প্ৰধান শিক্ষক, ২১৫টা সহকাৰী প্ৰধান শিক্ষক আৰু ১৪,২৪৩টা সহকাৰী শিক্ষকৰ পদ খালী হৈ আছে ।
প্ৰাদেশীকৃত উচ্চতৰ মাধ্যমিক বিদ্যালয়ত ৫৪টা অধ্যক্ষৰ পদ, ৫০০টা উপাধ্যক্ষৰ পদ, ১,২৭৩টা বিষয় শিক্ষকৰ পদ খালী হৈ আছে । চৰকাৰী উচ্চ আৰু উচ্চতৰ মাধ্যমিক বিদ্যালয়ত ৩৭৭টা সহকাৰী শিক্ষক, ১০৫টা বিষয় শিক্ষক, ৪৪টা নিৰ্দেশক পদ খালী হৈ আছে ।
অন্যহাতে, নিম্ন প্ৰাথমিক বিদ্যালয়ত ৫,৩৯৩টা, উচ্চ প্ৰাথমিক বিদ্যালয়ত ৪,১২০টা, প্ৰাদেশীকৃত উচ্চ ইংৰাজী আৰু উচ্চতৰ মাধ্যমিক বিদ্যালয়ত ৭৫০টা, চৰকাৰী উচ্চ ইংৰাজী আৰু উচ্চতৰ মাধ্যমিক বিদ্যালয়ত ২৮টা তৃতীয় শ্ৰেণীৰ পদ খালী হৈ আছে ।
প্ৰাথমিক শিক্ষা খণ্ডত ১,১৭৭টা আৰু মাধ্যমিক শিক্ষা খণ্ডত ২,১৭৫টা চতুৰ্থবৰ্গৰ পদ খালী হৈ আছে । বিধানসভাত এই তথ্য প্ৰদান কৰে ৰাজ্যিক শিক্ষামন্ত্ৰী পল্লৱলোচন দাসে ।
- Log in to post comments
- 21 views
