গুৰুকুল গ্ৰামাৰ উচ্চতৰ মাধ্যমিক বিদ্যালয়ত ৩০ গৰাকী শিক্ষক-কৰ্মচাৰী ক’ভিডত আক্ৰান্ত

নিউজ ডেস্ক:
গুৱাহাটীৰ আগশাৰীৰ শিক্ষানুষ্ঠান গুৰুকুল গ্ৰামাৰত ক’ভিডৰ ভয়ংকৰ সংক্ৰমণ।
উল্লেখ্য যে ,১৪৪ গৰাকী শিক্ষক-কৰ্মচাৰীক ক’ভিড পৰীক্ষাৰ অন্তত ৩০ জনৰ দেহত ধৰা পৰিল ক’ভিডৰ অৱস্থিতি।আক্ৰান্ত হোৱা সকলৰ ২২ গৰাকী শিক্ষক আৰু ৮ গৰাকী  কৰ্মচাৰী  বুলি জানিব পৰা গৈছে।
প্ৰায় ৩-৪ দিন পূৰ্বৰে পৰা জ্বৰ-চৰ্দিত ভুগি আছিল বিদ্যালয়খনৰ কেইবাগৰাকীও শিক্ষক-কৰ্মচাৰী।
গুৰুত্বপূৰ্ণ কথা এই যে ,শিক্ষক-কৰ্মচাৰীৰ দেহত ক’ভিডৰ লক্ষণ থকাৰ পাছতো দৈনিক পাঠদান চলি আছিল বিদ্যালয়খনত।
অভিভাৱকে এই সম্পৰ্কত জিলা উপায়ুক্তক অৱগত কৰাৰ পাছত মঙলবাৰে বিদ্যালয়খনত উপস্থিত হয় জিলা প্ৰশাসন আৰু স্বাস্থ্য বিভাগৰ দল।