ফাঁচী বজাৰৰ কাপোৰৰ গুদামত ভয়ংকৰ অগ্নিকাণ্ড

ক'ৰ’নাতংকৰ মাজতে শুক্ৰবাৰে সদাব্যস্ত ফাঁচীবজাৰত সংঘটিত হয় এক ভয়ংকৰ অগ্নিকাণ্ডৰ ঘটনা। ফাঁচী বজাৰৰ এছআৰচিবি ৰোডৰ এক ব্যৱসায়ীক প্ৰতিষ্ঠানত সূত্ৰপাত ঘটে ভয়ংকৰ অগ্নিকাণ্ডৰ ৷ পাহাৰীয়া সদন নামৰ বিল্ডিংটোত থকা কাপোৰৰ গুদামত সূত্ৰপাত হয় অগ্নিকাণ্ডৰ।

বৈদ্যুতিক শ্বটচাৰ্কিতৰ ফলতেই জুই লগা বুলি সন্দেহ কৰা হৈছে। দুখনকৈ অগ্নিনিৰ্বাপক বাহিনীৰ গাড়ী উপস্থিত হৈ শেষত জুই নির্বাপন কৰিবলৈ সক্ষম হয়।

উল্লেখ্য যে কাপোৰৰ গুদামটোত থকা বহুত কাপোৰ জুইত জাহ গৈছে। বৰ্তমান ক্ষয়-ক্ষতিৰ পৰিমান জানিব পৰা হোৱা নাই।