ওদালগুৰিত  ভাৰত বন্ধৰ প্ৰভাৱ সৰ্বাত্মক, ৰেলপথ অৱৰোধ

সমগ্ৰ দেশ জুৰি নিখিল ভাৰত কংগ্ৰেছ কমিটিয়ে পেট্ৰ’ল-ডিজেলৰ পৰা আৰম্ভ কৰি অত্যাধিক প্ৰয়োজনীয় বস্তুৰ অস্বাভাৱিক মূল্যবৃদ্ধি আৰু ৰাফেল বিমান ক্ৰয় কেলেংকাৰীৰ প্ৰতিবাদত আহ্বান জনোৱা ১০ ঘন্টিয়া ভাৰত   বন্ধৰ প্ৰভাৱ সৰ্বাত্মক পৰা পৰিলক্ষিত হৈছে  ওদালগুৰি জিলাত।ওদালগুৰিৰ মাজবাট ৰেল লাইনত অৰ্ধ শতাধিক কংগ্ৰেছ কৰ্মীয়ে ৰেল পথ অৱৰোধ কৰি প্ৰতিবাদ সাব্যস্ত কৰে ।

ইপিনে জিলাখনৰ গুৰুত্বপূৰ্ণ চহৰসমুহত দোকান-পোহাৰ ,যান-বাহনৰ চলাচল বন্ধ থকা পৰিলক্ষিত হয়।জিলাখনৰ ওদালগুৰি টাউন, ৰৌতা,মাজবাট,টংলা,ডিমাকুচি,কলাইগাঁও ,হৰিশিঙা,আদি ঠাইত বন্ধৰ সৰ্বাত্মক প্ৰভাৱ পৰে।বন্ধৰ সময়চোৱা, এতিয়ালৈকে কোনো অপ্ৰীতিকৰ ঘটনাৰ সংঘতিত হোৱা নাই ।