কংগ্ৰেছ নেত্ৰী বিস্মিতা গগৈক গ্ৰেপ্তাৰ কৰিলে গোলাঘাট আৰক্ষীয়ে

ভাৰতীয় জাতীয় কংগ্ৰেছে দিয়া ভাৰত বন্ধৰ প্ৰভাৱ আজি গোলাঘাটতো পৰে। কালিৰ পৰা বন্ধ প্ৰত্যাহাৰ কৰা নকৰাৰ আলিদোমোজাত থকা সময়তে আজি কংগ্ৰেছ দলৰ নেতা -কৰ্মীসকলে বন্ধৰ সমৰ্থনত ৰাজপথলৈ ওলাই অহা দেখা গ'ল। লগে লগে গোলাঘাট চহৰ খনৰ লগতে দাঁতি কাষৰীয়া অঞ্চলসমূহতো স্বতঃস্ফূতভাৱে স্কুল-কলেজ তথা দোকান-পোহাৰ আদি বন্ধ হৈ পৰা দেখা গ'ল। বিভিন্ন ঠাইত বন্ধ সমৰ্থক সকলে টায়াৰ আদি জ্বলাই প্ৰতিবাদ কৰাও দেখা গ'ল ।  

লগতে আজি গোলাঘাটৰ শাওঁতলী অঞ্চলত ভাৰতীয় জাতীয় কংগ্ৰেছৰ সাধাৰণ সম্পাদিকা তথা প্ৰাক্তন মন্ত্ৰী বিস্মিতা গগৈক বন্ধৰ সমৰ্থনত ওলাই অহাত প্ৰায় ১০০ সতীৰ্থসহ গোলাঘাট আৰক্ষীয়ে গ্ৰেপ্তাৰ কৰে।