পবিতৰা বন্যপ্ৰাণী অভয়াৰণ্যত মৃত গঁড় উদ্ধাৰ

পুনৰবাৰ চৰকাৰক বিফল প্ৰমাণিত কৰি এটি সপ্তাহত তিনিটাকৈ অসম বিখ্যাত এশিঙীয়া গঁড় মৃত অৱস্থাত পোৱা গ’ল পবিতৰা বন্যপ্ৰাণী অভয়াৰণ্যত ৷ মৃত গঁড় তিনিটাৰে দুটা পোৱালি গঁড় আছিল ৷ প্ৰথমে শনিবাৰে অভয়াৰণ্যৰ ভিতৰত এজনী গঁড় মৃত অৱস্থাত উদ্ধাৰ কৰা হয় ৷ মৃত গঁড়জনীৰ মৰা শটো উদ্ধাৰ কৰা হৈছিল অভয়াৰণ্যৰ ভিতৰৰ টুপলুং শিবিৰৰ ওচৰত ৷ আনহাতে,এই সপ্তাহৰ আৰম্ভণিতে দুটা গঁড় পোৱালি মৃত অৱস্থাত উদ্ধাৰ কৰা হৈছিল পবিতৰা বন্যপ্ৰাণী অভয়াৰণ্যৰ ভিতৰত ৷ কৰ্তৃপক্ষই মৃত গঁড়জনীৰ প’ষ্টমৰ্টেমৰ ব্যৱস্থা কৰিছে যদিও কোনো ধৰণৰ তথ্য জনোৱাৰপৰা বিৰত আছে ৷