কাহিলীপাৰাত ভয়ংকৰ ভূমিস্খলনত এজনৰ মৃত্যু:৬ ঘন্টাৰ মূৰত এজনক জীৱন্তে উদ্ধাৰ

গুৱাহাটীৰ কাহিলীপাৰাত শুকুৰবাৰে        ভয়ংকৰ ভূমিস্খলনৰ ঘটনা।গাৰ্ডৱাল খহি দুটা ঘৰ মুহূৰ্ততে পোত যায়।এগৰাকী মহিলাৰ মৃত্যু হোৱাৰ বিপৰীতে প্ৰায় ৬ঘণ্টা ধৰি মাটিৰ তলত আৱদ্ধ হৈ থাকে এজন ব্যক্তি। 

কাহিলীপাৰাৰ পাৱাৰ হাউছৰ হেম বৰা নামৰ ব্যক্তিজনৰ ঘৰত শুকুৰবাৰে পুৱা ভাগত গাৰ্ডৱাল খহি সংঘটিত হয় এই ভয়ংকৰ ঘটনা।ঘটনাত হেম বৰাৰ ভাড়াঘৰত থকা ভৰত কলিতা নামৰ লোকজন প্ৰায় ৬ঘণ্টা ধৰি আৱদ্ধ হৈ থাকে মাটিৰ তলত।এনডিআৰএফ, এছডিআৰএফ আৰু অগ্নিনিৰ্বাপক বাহিনীৰ উদ্ধাৰকাৰী দলে উদ্ধাৰ কৰে কলিতাক।গুৰুতৰভাৱে আঘাত পোৱা কলিতাক উদ্ধাৰ কৰি প্ৰেৰণ কৰা হয় চিকিৎসালয়লৈ।

ভয়ংকৰ ভূমিস্খলনত গুৰুতৰভাৱে আহত হেম বৰাৰ পত্নী উশা বৰা (৭০)ৰ গুৱাহাটীৰ হায়াট চিকিৎসালয়ত মৃত্যু হয়।

ইয়াৰ উপৰিও গুৰুতৰভাৱে আহত হয় গোলাপী কলিতা,হেম বৰা।