গুৱাহাটী ৰে'ল ষ্টেচনত নিষিদ্ধ গাঞ্জাসহ দুই ভাতৃ-ভগ্নীক আটক

নিউজ ডেস্ক:

গুৱাহাটী ৰে'ল ষ্টেচনত নিষিদ্ধ গাঞ্জাসহ আটক কৰা হয় দুজন সৰবৰাহকাৰীক।ৰেল আৰক্ষীয়ে সোমবাৰে পুৱা ৭ বজাত অভিযান চলাই ১২৪২৩ নম্বৰৰ গুৱাহাটীৰ পৰা দিল্লীলৈ যাব লগা ৰাজধানী এক্সপ্ৰেছৰ পৰা ৪৫কেজি গাঞ্জা জব্দ কৰে।

ৰে'লৱে আৰক্ষীয়ে জানিবলৈ দিয়া অনুসৰি আটক হোৱা দুয়োগৰাকী গাঞ্জা সৰবৰাহকাৰী সম্বন্ধত ভাতৃ-ভগ্নী।ধৃত ভাতৃ-ভগ্নী দুগৰাকী ক্ৰমে ৱাবোৰ খাৰপুৰী চিনৰেম(২৮) আৰু দৰিশা চিনৰেম(৩২)বুলি চিনাক্ত কৰা হৈছে।ধৃত সৰবৰাহকাৰী দুজনৰ ঘৰ মেঘালয়ৰ পূব গাৰো পাহাৰৰ লুম্বেওবাহত। দুয়োৰে পিতৃৰ নাম দ্ৰৱেল চিনৰেম।
ইফালে,ৰেল আৰক্ষীয়ে জানিবলৈ দিয়া অনুসৰি জব্দ কৰা গাঞ্জাখিনিৰ মূল্য ৫লাখ টকা।গাঞ্জাখিনি মেঘালয়ৰ পৰা টেক্সিৰে আনিছিল সৰবৰাহকাৰীয়ে।