শিৱসাগৰৰ হাঁহচৰাত ভয়ংকৰ পথ দুৰ্ঘটনা

নিউজ ডেস্ক:

শিৱসাগৰত সংঘটিত হৈছে এক ভয়ংকৰ পথ দুৰ্ঘটনা। চূণপুৰা-চেৰেকাপাৰা পথৰ হাঁহচৰা শিৱমন্দিৰৰ সমীপত সংঘটিত ভয়ংকৰ দুর্ঘটনাত আহত হৈছে দুজন লোক। প্ৰাপ্ত খবৰ অনুসৰি শনিবাৰে পুৱাৰ ভাগত চূণপুৰা দিশৰ পৰা শিৱসাগৰ অভিমুখে আহি আছিল As-০৪ s৮০৭১ নম্বৰ এখন নীলা ৰঙৰ টাটা হেক্সাৰ। এই গাড়ীখন নিয়ন্ত্ৰণ হেৰুৱাই মন্দিৰৰ সমীপত পথৰ দাঁতিত থকা এজোপা প্ৰকাণ্ড আম গছত খুন্দা মৰাত সংঘটিত হয় দুৰ্ঘটনাটো। দুর্ঘটনাটো ইমানেই ভয়ংকৰ আছিল যে গাড়ীখনৰ সন্মুখভাগ সম্পূৰ্ণ বিনষ্ট হৈছে।

দুর্ঘটনাটোত আহত হোৱা গাড়ীখনৰ দুই আৰোহি ক্ৰমে জয়ন্ত বুঢ়াগোহাঁই আৰু শৈল গগৈ।আহত দুয়োজনকে শিৱসাগৰ অ এন জি চি চিকিৎসালয়ত ভৰ্তি কৰোৱা হয়। ইফালে দুর্ঘটনাটো সংঘটিত হোৱাৰ পাছতে প্ৰত্যক্ষদর্শীয়ে জানিবলৈ দিয়া অনুসৰি বৰষুণ দিয়াত পথটো পিছল হৈ থকাৰ লগতে ডাঙৰ ডাঙৰ গাঁতৰ সৃষ্টি  হোৱাত এই দুর্ঘটনাটো সংঘটিত হৈছে।