সাৱধান! আজি ৩.৩০বজাত পুনৰ ভূটানে এৰিব পানী

নামনি অসমত ইতিমধ্যে ভূটানৰ নদীবান্ধৰ পানীয়ে জলপ্ৰলয়ৰ সৃষ্টি কৰিছে।।ইতিমধ্যে বৰপেটা,নলবাৰী,পাঠশালা আদি কৰি বহুকেইখন জিলাত প্ৰশাসনে জাৰি কৰিছে সতৰ্কবাণী।

তাৰ মাজতে পুনৰ ভয়ংকৰ খবৰ প্ৰেৰণ কৰিছে ভূটানৰ প্ৰশাসনে।সেই অনুসৰি আজি বিয়লি ৩.৩০বজাত পুনৰ এৰিব ভুটানৰ কুৰিশ্ব বান্ধৰ পানী।

যাৰবাবে বৰপেটা জিলাত  প্ৰশাসনৰ তৰফৰ পৰা জাৰি কৰা হৈছে ৰেড এলাৰ্ট। নৈপৰীয়া আৰু দ-ঠাইৰ লোকসকলক নথিপত্ৰ, জীৱ-জন্তু আদি লৈ ওখ স্থানত আশ্ৰয় ল'বলৈ প্ৰশাসনে আহ্বান জনাইছে।

ইফালে,নামনি অসমত প্ৰায়সমূহ নদী বৰ্তমান সময়ত বিপদসীমাৰ ওপৰেৰে বৈছে।