ভাৰতীয় অৰ্থনীতিক ৫ ট্ৰিলিয়ন ডলাৰৰ কৰাৰ লক্ষ্য দাঙি ধৰি চানক্য নীতি-শ্বায়েৰী আওৰালে নিৰ্মলা সীতাৰমনে

লোকসভাত শুকুৰবাৰে মোডী চৰকাৰ(দ্বিতীয়)ৰ সাধাৰণ বাজেট দাখিল
কৰিলে বিত্তমন্ত্ৰী নিৰ্মলা সীতাৰমনে।বাজেট দাখিল কৰোঁতে সীতা ৰমনে চানক্য নীতি আৰু প্ৰসিদ্ধ উৰ্দু কবি মঞ্জুৰ হাছমীৰ শ্বায়েৰী আওঁৰাই।তেওঁ  চানক্য নীতি আওৰাই--'ইচ্ছাশক্তিৰ সৈতে কৰা প্ৰয়াসত লক্ষ্যত নিশ্চিতভাৱে উপনীত হ'ব পৰা যায়।'লগতে তেওঁ মঞ্জুৰ হাছমীৰ শ্বায়েৰী আওঁৰাই--'নিজৰ ওপৰত আত্মবিশ্বাস থাকিলে বতাহৰ সহায় লৈও বন্তি জ্বলাব পাৰি।'

সীতাৰমনে ভাৰতীয় অৰ্থনীতিক ৫ ট্ৰিলিয়ন ডলাৰৰ অৰ্থনীতি কৰা সন্দৰ্ভত এনে বক্তব্য দাঙি ধৰে।বিত্ত মন্ত্ৰীয়ে কয়-২০১৪ চনত ভাৰতীয় অৰ্থনীতি আছিল ১.৮ ট্ৰিলিয়ন ডলাৰৰ।২০১৯ চনত ই হ'লগৈ ২.৭ ট্ৰিলিয়ন ডলাৰ।এতিয়া ভাৰতীয় অৰ্থনীতিক ৫ ট্ৰিলিয়ন ডলাৰ কৰিব লাগিব।

ভাৰতীয় অৰ্থনীতিক ৫ ট্ৰিলিয়ন ডলাৰ কৰা সন্দৰ্ভত তেওঁ কেইটামান  বিন্দুৰ বিষয়ে উল্লেখ কৰে।সেইকেইটা হৈছে-বুনিয়াদী আন্ত:গাথঁনিত প্ৰচুৰ বিনিয়োগ, ডিজিটেল অৰ্থনীতি,কৰ্মসংস্থাপন সৃষ্টি তথা জনতাৰ আশা,বিশ্বাস আৰু আকাংক্ষা।