পাভৈত ঘগৰা নদীৰ পানীয়ে বুৰাই পেলাইছে বিস্তীৰ্ণ অঞ্চল

জামুগুৰিহাটৰ পৰা চন্দন শৰ্মা

অৰুণাচলৰ পাহাৰৰ পৰা নামি অহা পানীয়ে বিশ্বনাথৰ পাভৈৰ ঘগৰা নদীৰ জলপৃষ্ঠ বৃদ্ধি কৰিছে।ঘগৰা নদীৰ পানীয়ে বুৰাই পেলাইছে পাভৈৰ বিস্তীৰ্ণ অঞ্চল ৷ দুশটাকৈ পৰিয়াল পৰিছে বাঢ়নী পানীৰ কবলত ৷৮ খন গাঁও এতিয়া পানীৰ তলত।

ইফালে,পাভৈ পাঁচআলিৰ পৰা পাভৈ চাহ বাগিচালৈ যোৱা পথটো সম্পূৰ্ণভাৱে বুৰ গৈছে।পাভৈ বালিচাং সংযোগী পথটো বুৰাই পেলাইছে বাঢ়নী পানীয়ে।সাংসদ পল্লৱ লোচন দাসৰ ঘৰলৈ যোৱা পথটোও পানীৰ তলত ৷লগতে,বুৰাই পেলাইছে হাতীশাল, কুৰ্মী বস্তি, ৰঙামাটী, ৰঙামূৰী, বামুনী পথাৰ, মিছামাৰী, মৰৱবস্তি,কাৰ্বি চুবুৰী আদি গাওঁ।