মৰিগাঁৱত ভয়াৱহ অগ্নিকাণ্ড : ২টা পৰিয়ালৰ গৃহ সম্পুৰ্ণৰূপে ভষ্মীভূত 

মৰিগাঁৱৰ পৰা জিতুমণি নাথ 
আজি পুৱা মৰিগাঁও নগৰৰ ৰজাগাঁৱত সংঘটিত এক ভয়াৱহ অগ্নিকাণ্ডত দুটা পৰিয়ালৰ গৃহ সম্পুৰ্ণৰূপে ভষ্মীভূত হোৱাৰ লগতে ৫ লক্ষাধিক টকাৰ সম্পত্তি ক্ষতি সাধন হয়। অগ্নিকাণ্ড সংঘটিত হোৱা গৃহটো হৈছে প্ৰয়াত জয়কান্ত নাথৰ। জানিব পৰা মতে প্ৰয়াত জয়কান্ত নাথৰ মূল গৃহৰ লগতে ৪টা কোঠালি যুক্ত এটা গৃহ ভাড়াত দিছিল৷

এই ভাড়াতীয়াজন আজি পুৱা প্ৰায় ১০.৩০ মান বজাত বিদ্যুতৰ বিজুতি ঘটি দাউ দাউকৈ জ্বলি উঠে। স্থানীয় ৰাইজ তথা নাথৰ জ্যেষ্ঠ পুত্ৰ দেৱাশিষ নাথৰ তৎপৰতাত দুইটা পৰিয়ালৰ গৃহত ব্যৱহাৰ কৰা চিলিণ্ডাৰ দুটা বাহিৰলৈ আনিব সক্ষম হোৱাত আৰু অধিক বিপদৰ পৰা ৰক্ষা পৰে সেই এলেকাটো। কোনো মানুহৰ ক্ষতি হোৱা নাই৷উক্ত ঘটনাটো বিদ্যুতৰ শ্বট চাৰ্কিতৰ ফলতেই সংঘটিত হোৱা বুলি প্ৰকাশ কৰিছে স্থানীয় ৰাইজে।