জিআইএমটি, তেজপুৰৰ বাৰ্ষিক সমাৰোহৰ আয়োজন

অসমৰ আগশাৰীৰ অভিযান্ত্ৰিক শিক্ষা প্ৰতিষ্ঠান গিৰিজানন্দ চৌধুৰী ইনষ্টিটিউট অৱ মেনেজমেণ্ট এণ্ড টেকন'লজী চমুকৈ জিআইএমটি, তেজপুৰৰ বাৰ্ষিক ক্ৰীড়া আৰু সাংস্কৃতিক সমাৰোহৰ অহা ৫, ৬ আৰু ৭ ফেব্ৰুৱাৰী তাৰিখে বৰ্ণাধ্য কাৰ্যসূচীৰে আয়োজন কৰা হৈছে। 'Avante Coureur 2019' শীৰ্ষক সমাৰোহৰ অংশ হিচাপে নানা ক্ৰীড়া আৰু সাংস্কৃতিক কাৰ্যসূচীৰ লগতে বিভিন্ন শিতানত প্ৰতিযোগিতাৰ আয়োজন কৰা হ'ব।

আন্তঃমহাবিদ্যালয় কুইজ, তৰ্ক, নৃত্য আৰু চিত্ৰাংকন প্ৰতিযোগিতাত অন্যান্য বিদ্যালয় আৰু মহাবিদ্যালয়ৰ ছাত্ৰ-ছাত্ৰীসকলেও অংশগ্ৰহণ কৰিব পাৰিব । ৬ ফেব্ৰুৱাৰী তাৰিখে আয়োজিত বিনামূলীয়া কেৰিয়াৰ কাউন্সিলিং অনুষ্ঠানত সমল ব্যক্তি হিচাপে থাকিব আগশাৰীৰ কেৰিয়াৰ পৰামৰ্শদাতা তথা মহাবিদ্যালয়খনৰ ভাৰপ্ৰাপ্ত অধ্যক্ষ ডঃ বুলজিৎ বুঢ়াগোহাঁই ।

৭ ফেব্ৰুৱাৰী তাৰিখৰ অন্তিম দিনাৰ সাংস্কৃতিক কাৰ্যসূচীত তেজপুৰ থেচপিয়ান গ্ৰুপৰ লগতে 'North East Breeze'য়ে অনুষ্ঠান পৰিৱেশন কৰিব বুলি আয়োজক মণ্ডলীয়ে জানিবলৈ দিছে।