বিলাসীপাৰাত লুইচ ব্ৰেইলী দিৱস পালন 

বিলাসীপাৰাৰ পৰা জহিৰুল ইছলাম

সমগ্ৰ অসমৰ লগতে ধুবুৰী জিলাৰ বিলাসীপাৰাত আজি দিন জোৰা কাৰ্যসূচীৰে লুইচ ব্ৰেইলী দিৱস পালন কৰা হয়। পুৱা ১০.৩০ বজাত পতাকা উত্তোলন কৰে বিলাসীপাৰা প্ৰাথমিক শিক্ষা খণ্ড বিষয়া মনোজ কুমাৰ ফুকনে। ১০.৪৫ বজাত বন্তি প্ৰজ্জ্বলন, ১১.০০ বজাত প্ৰতিবন্দীসকলৰ মাজত চকলেট বিতৰণ, ১১.১৫ বজাত শোভাযাত্ৰা আৰু ১২.০০ বজাত গীত নৃত্য প্ৰতিযোগিতা। সাংস্কৃতিক অনুষ্ঠান কাৰ্যসূচীত অংশগ্ৰহণ কৰা গুঞ্জা গাংগুলী, ৰমনী ডেকা, ফিৰোজ খান, অৱনী বায়ন, মুকুল নাথ, পৰাগ নিৰ্মলীয়া আৰু বিশেষভাৱে অক্ষমসকলে নৃত্য পৰিবেশন কৰে।

সভাত সভাপতিত্ব কৰে বিলাসীপাৰা প্ৰাথমিক শিক্ষা খণ্ড বিষয়া মনোজ কুমাৰ ফুকনে। সভাৰ বিশিষ্ট ব্যক্তিসকলক ফুলাম গামোচাৰে সম্বৰৰ্ধনা জনোৱা হয়। উক্ত সভাত বিশিষ্ট অতিথি হিচাপে নায়েৰ আলগা উন্নয়ন খণ্ড বিষয়া ৰৌচন আলীয়ে লুইচ ব্ৰেইলী দিৱস উপলক্ষে বিস্তাৰিতভাৱে ভাষণ প্ৰদান কৰে। পিছত বিভিন্ন প্ৰতিযোগিতাত বিজয়ীসকলৰ মাজত বটাঁ কৰে বিলাসীপাৰা মহকুমাধিপতি ৰোহন কুমাৰ ঝাই।