বিলাসীপাৰাত পথ নিৰ্মাণ আঁচনিৰ আধাৰ শিলা স্থাপন-মন্ত্ৰী পিয়ুষ হাজৰিকাৰ

বিলাসীপাৰাৰ পৰা জেহিৰুল ইছলাম

অসম চৰকাৰৰ ২০১৮-১৯ বৰ্ষৰ এছ অ’ পি ডি পথ নিৰ্মাণ আঁচনিৰ অধিনত আজি বিলাসীপাৰা ২ নং ৱাৰ্ডৰ বৰ্মনপাৰা পথৰ আধাৰ শিলা স্হাপন কৰা হয়। বিলাসীপাৰা বিলাসীপাৰা পূৱ সমষ্টিৰ বিধায়ক অশোক কুমাৰ সিংহী আৰু বিলাসীপাৰা নগৰ সমিতিৰ চেয়াৰমেন শ্ৰীযুত দীপ শৰ্মা দেৱৰ উপস্থিতিত অসম নগৰ উন্নয়ন বিভাগৰ ৰাজ্যিক মন্ত্ৰী (স্বতন্ত্ৰ) শ্ৰীযুত পিয়ুষ হাজৰিকা দেৱে বিলাসীপাৰাৰ ২ নং ৱাৰ্ডৰ বৰ্মনপাৰা পথৰ আধাৰ শিলা স্হাপন কৰে।

এই উপলক্ষে বিলাসীপাৰা পৌৰ পতি দীপ শৰ্মা দেৱৰ সভাপতিত্ব এখন সভা  অনুষ্ঠিত হয়। সভাত মুখ্য অতিথি হিচাপে অসম মন্ত্ৰী সভাৰ ৰাজ্যিক (স্বতন্ত্ৰ) মন্ত্ৰী শ্ৰীযুত পিয়ুষ হাজৰিকা দেৱে উপস্থিত থাকি বিগত দিনৰ চৰকাৰৰ আমোলতকৈ বৰ্তমানৰ চৰকাৰে কাম বেছি  কৰিছে বুলি নিজৰ মন্তব্যত প্ৰকাশ কৰে ৷

মন্ত্ৰী গৰাকীয়ে স্হানীয় বিধায়ক অশোক কুমাৰ সিংহীৰ কাম কাজকো উচ্চ প্ৰসংশা কৰে। উক্ত সভাত বিজেপিৰ ধুবুৰী জিলা (পুৱ) সভাপতি সুধীৰ কুমাৰ চন্দ্ৰ ৰায়, প্ৰফুল্ল কলিতা আদি কৰি বহুতো গন্য-মান্য ব্যক্তিৰ লগতে পাঁচ শতাধিক ৰাইজে উপস্থিত থাকে।