কলগাছিয়াত প্ৰগতিশীল প্ৰকাশন পৰিষদৰ  ব্যতিক্ৰমধৰ্মী অনুষ্ঠানেৰে নৱবৰ্ষ উৎযাপন 

বৰপেটাৰ ৰোডৰ পৰা ৰনজিৎ তালুকদাৰ

প্ৰচলিত সমাজৰ কিশোৰ-কিশোৰী, যুৱক-যুৱতী  আৰু বয়সস্থ লোকৰ গৰিষ্ঠ সংখ্যকে আমোদ - প্ৰমোদ  ,ভোজ-ভাত, বনভোজ আৰু ভোগ বিলাশ নৱবৰ্ষৰ প্ৰথম দিনটো ব্যাস্ত থকাটো এটা পৰম্পৰাত স্বভাৱ  হৈছে  । ইয়াৰ বিপৰীতে  কালি  প্ৰগতিশীল সাহিত্য প্ৰকাশন গোষ্ঠীয়ে ব্যতিক্ৰমী ধৰণে নৱবৰ্ষৰ প্ৰথম দিনটো উদযাপন কৰে । কলগাছিয়াৰ অগ্ৰণী সেচ্ছাসেৱী অনুষ্ঠান নৱোদয় পুথিভঁৰালৰ বাকৰিত নৱবৰ্ষৰ প্ৰথম দিনটোতে  গ্ৰন্থ উন্মোচন আৰু বটাঁ প্ৰধান অনুষ্ঠান উদযাপন কৰি চাৰিগৰাকী বিশিষ্ঠ লেখক, সাংবাদিক, গল্পকাৰ আৰু কবিক সম্বৰ্ধনা জনায়।

প্ৰকাশন গোষ্ঠীটোয়ে বিশিষ্ট সাহিত্যিক তথা শিক্ষাৰত্ন বটাঁ প্ৰাপ্ত প্ৰবীণ সাংবাদিক বৰপেটাৰ  অক্ষয় কুমাৰ মিশ্ৰ, বিশিষ্ট লেখক আৰু সাহিত্যিক ডাঃ ৰেজাউল কৰিম, বিশিষ্ট গল্পকাৰ ডাঃ এম কায়েম তালুকদাৰ আৰু শিক্ষাবিদ তথা কবি আবু ছাইদ আহমেদক প্ৰগতিশীল সাহিত্য প্ৰকাশনৰ তৰফৰ পৰা  " সাহিত্য সাধনা বঁটা- ২০১৯" আগবঢ়োৱা হয়। বিশিষ্ট কবি তথা স্বাস্থ্য বিষয়া ডাঃ নজিৰুল ইছলামে সঞ্চালনা কৰা অনুষ্ঠানটো  বৰপেটা জিলা সংগ্ৰাহালয় বিষয়া নৃপেন ৰায়ে শুভ উদ্বোধন কৰে ।

অনুষ্ঠানটোত প্ৰকাশনৰ সঞ্চালক চানমামুদ আহমেদে উদ্দেশ্য ব্যাখ্যা কৰাৰ লগতে বিশিষ্ট লেখক তথা কবি জাহিদুল ইছলামে সম্পাদনা কৰা " নৱ কিৰণ" নামৰ কাব্য সংকলন উন্মোচন কৰে ঢাকালীয়াপাৰা উচ্চতৰ মাধ্যমিক বিদ্যালয়ৰ অধ্যক্ষ ছমিৰ খানে । এই গাম্ভীৰ্য্যপূৰ্ণ বটাঁ  প্ৰদান অনুষ্ঠানটোত প্ৰাক্তন অধ্যক্ষ এম মোজাম্মেল হুছাইন, বিশিষ্ট কবি এম আকবৰ হুছেইন, নৱজ্যোতি মহাবিদ্যালয়ৰ অধ্যক্ষ ডঃ ছাহজাহান আলী আহমেদ, বালিকুৰি উচ্চতৰ মাধ্যমিক বিদ্যালয়ৰ অধ্যক্ষ ফজলুৰ ৰহমান, অধ্যাপক ডঃ শাহজামাল স্বেইখ, নাট্যকাৰ ছায়েদ আলী, বেংক শাখা প্ৰবন্ধক ইমান আলী আহমেদ, প্ৰবীণ সাংবাদিক মৌলানা আব্দুল হামিদ, কবি লালমামুদ খান, সাংবাদিক শ্বহিদুল ইছলাম, সাংবাদিক আব্দুল হাই, সাংবাদিক  ছাহিদুল ইছলাম, সাংবাদিক  দোস্ত হাফিজুৰ ৰহমান, কয়াকুছিৰ সমন্বয়ৰ কবি ছাহেদ আলী আহমেদ, নাট্যকাৰ ছাৰফান আলী, সমাজকৰ্মী  আমিৰ হুছেইন, কবি শাহানুৰ ইছলামকে আদি কৰি  বিশিষ্ট ব্যক্তি সকল উপস্থিত থাকে ।

অনুষ্ঠানটোৰ লগত সংগতি ৰাখি বিশিষ্ট কবি মোঃ নুৰুল আমিনৰ সঞ্চালনাত ছাত্ৰ ছাত্ৰী সকলৰ মাজত কবিতা পাঠ প্ৰতিযোগিতা অনুষ্ঠিত কৰা হয়। নৱবৰ্ষৰ প্ৰথম দিনত এনে ব্যতিক্ৰমী কাৰ্যসূচী হাতত লোৱাত প্ৰকাশন গোষ্ঠীটোক ভূয়সী প্ৰশংসা কৰিছে সচেতন মহলে ।