নগাঁৱত ব্যতিক্ৰমী চাইকেল চালনা প্ৰতিযোগিতা

নগাঁৱৰ পৰা ৱাহিদুদ জামান

সমগ্ৰ দেশতে পুৰণি বছৰক বিদায় দি নতুন বছৰক আদৰাৰ প্ৰস্তুতি৷ বনভোজ, ভ্ৰমণৰ পৰা আদি কৰি ঈশ্বৰৰ আশীৰ্বাদ লোৱালৈকে সকলোৱে ব্যস্ত থকাৰ সময়তে ইণ্টাৰনেটৰ দ্বাৰা আকৃষ্ট হৈ নগাঁও চহৰৰ সমীপৱৰ্তী মধ্য শিয়ালমাৰিত ডাকৰঘাট যুৱ কংগ্ৰেছ আৰু স্থানীয় ৰাইজে অনুষ্ঠিত কৰিলে এক ব্যতিক্ৰমী প্ৰতিযোগিতা।

একমাত্ৰ ৰাইজৰ মনোৰঞ্জনৰ বাবেই পোন প্ৰথমবাৰৰ বাবে নগাঁৱত অনুষ্ঠিত সাঁকোৰ ওপৰেৰে চাইকেল চালনা প্ৰতিযোগিতাত প্ৰায় তিনি সহস্ৰাধিক দৰ্শক আৰু প্ৰায় ২০০ প্ৰতিযোগীয়ে অংশগ্ৰহণ কৰে। দেওবাৰে পুৱা ৯ বজাৰ পৰা অনুষ্ঠিত হোৱা এই প্ৰতিযোগিতাত শিশুৰ পৰা বৃদ্ধলৈকে অংশগ্ৰহণ কৰে।