বইটামাৰীৰ খগৰপুৰত পথ দুৰ্ঘটনাত আহত ২ 

বঙাইগাঁও জিলাৰ উত্তৰ শালমাৰা আৰক্ষী চকীৰ অৰ্ন্তগত খগৰপুৰৰ ৩১নং ৰাষ্ট্ৰীয় ঘাইপথত আজি পুৱা যাত্ৰীবাহী বাছ এখনৰ খুন্দাত দুজন বাইক আৰোহী গুৰুতৰভাৱে আহত হয় ।

প্ৰাপ্ত তথ্য মতে, ধুবুৰীৰ পৰা গোৱালপাৰা অভিমুখে গৈ থকা এ এছ-১৭ বি-৩২৯৯ নম্বৰৰ যাত্ৰীবাহী ষ্টাৰবাছ এখনে পুৱা ১০.৩০মান বজাত খগৰপুৰৰ ছেভেন ছিষ্টাৰ ৰেষ্টুৰেণ্টৰ সম্মুখত ৰাষ্ট্ৰীয় ঘাইপথত নিঘমঘোলাৰ দিশৰ পৰা আহি থকা এ এছ-১৯ জে-৪৫২৭ নম্বৰৰ এখন বাজাজ পালছাৰ বাইকত খুন্দিয়ায় ।

ফলত বাইক আৰোহী দুজন গুৰুতৰভাৱে আহত হয় । আহত আৰোহী দুজনক লগে লগে এম্বুলেন্সযোগে বঙাইগাঁও চিকিৎসালয়লৈ প্ৰেৰণ কৰে । আহত বাইক আৰোহী দুজন জিলাখনৰ নৰ্থ বইটামাৰীৰ ৰসিগাঁৱৰ অনুপম নাথ (২৩) আৰু চেংমাৰীৰ বদৰ সূত্ৰধৰ (২২) বুলি জানিব পৰা গৈছে । অৱশ্যে বাছখনৰ যাত্ৰীসকল কোনোমতে ৰক্ষা পৰে ।