জুৰীয়াত পিষ্টলসহ কুখ্যাত ডকাইত আটক

জুৰীয়াৰ পৰা উত্তম কুমাৰ বৰা

জুৰীয়াত পিষ্টলসহ কুখ্যাত ডকাইত ছফিকুল ইছলাম আটক । জুৰীয়া আৰক্ষী থানাৰ ভাৰপ্ৰাপ্ত বিষয়া অৰ্পণ শইকীয়াৰ নেতৃত্বত জুৰীয়া চাৰিআলিৰ পৰা এখন পালছাৰ ১৫০ মটৰচাইকেলেৰে আহি থকা অৱস্থাত আটক কৰে কুখ্যাত ডকাইতটোক ।

নগাঁও জিলাৰ বিভিন্ন ডকাইতিৰ লগতে গাড়ী চুৰি কাৰ্যতো লিপ্ত আছিল ছফিকুল ইছলাম । আৰক্ষীৰ মূৰৰ কামোৰণিৰ সৃষ্টি কৰা এই কুখ্যাত ডকাইতটোৰ পৰা এটা পিষ্টল, এটা মেগজিন, দুই জাঁই সজীৱ গুলী আৰু দুটা মোবাইল হেণ্ডছেটৰ লগতে এ এছ-০২ ভি-২৩০৯ নম্বৰৰ পালছাৰ মটৰচাইকেলখন উদ্ধাৰ কৰে ৷

এই কুখ্যাত ডকাইতটোৰ বিৰুদ্ধে নগাঁৱৰ বিভিন্ন থানাত ৰুজু হৈ আছে কেইবাটাও গোচৰ ৷ ধৃত ডকাইতটোৰ ঘৰ নগাঁৱৰ চকিটুপত ৷